قفل شبابيك الوجع
صفحة 1 من اصل 1 • شاطر
قفل شبابيك الوجع *
بقلم الشاعر/علاء رزق*
قفل شبابيك الوجع
وافتح للقلب بابه
خليه يفر
ويذكر الوجدان سرابه
عيش حياتك
ارمي الودع
عيش علي
الدنيا بشبابه
من المستحيل
انك تعيش
في ايديك ما فيش
غير الالم من اللي صابه
شاور هناك
فيه روح معاك
بس انت اعمي
والا الحياة واخده البصر
خليك بصير
وايه يسير
لما تلاقي
الدمع شاقق سكته
فوق الخدود
الحزن عمال يسود
خلي الاسود
تبكي وف حضنها
باتت وليمه
مافيش خلايق
عادت سليمه
الحزن رفرف
طرحته
طرحت جناين
الشوك عذاب
عبيرها كان
من فرحته
يعطر شباب
الغصن طاب
نفسه في يوم يصبح رماد
شاهد علينا في دنيته
من قوم عاد
عيش البعاديمكن يطيب الجرح فيك
او تنسي يوم
كان فيه ميعاد.
عيش حياتك
الورد رافض بسمته
لقلب ساكنه الضباب
الود كان رسمته
وربك اراد
تعيش في قلب الوجع
من غير عناد
للمشاركة انت بحاجه الى تسجيل الدخول او التسجيل
يجب ان تعرف نفسك بتسجيل الدخول او بالاشتراك معنا للمشاركة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى