بخاف قوي!!! بقلم الشاعر / يسرى حنفى

بتبقي شايلة حاجة تانيه

بعد ما تتبسميلي

ترغميني ع السكات

واحتمالي للفات

والتقي ويا الاهات

ضحكتك جاية تناديلي

بخاف قوي منك يا دنيا 

لما مرة بتضحك لي

ايوه منك آاه باعاني

وانتي ناسية

قلتها بكل المعاني 

وانتي عاصيه

يا اللي فوق احلامي 

دايماً كنتي قاسيه

امتي ليا ف يوم تميلي

وتضحكيلي

بخاف قوي منك يا دنيا

لما مرة بتحكي لي

تنكري انك غرورة

مغلباني

كل يوم في الف صورة

متوهاني

دانتي حتى جوا 

أحلامي وهواني

نفسي مرة فوق 

كتافي تطبطبي لي

بخاف قوي منك يا دنيا 

لما مرة بتضحك لي

با اخاف قوي