عمري ما انسى

كلمات الأستاذة /
أمال بدر
*****
عمرى ما انسى
ليه حبيبى تقول نسيتك
ف ذكرياتى حافره سيرتك
وف خيالى حافظه رسمك
وجوه قلبى كاتبه اسمك
بتونسنى كتير جواباتك
وبعيش فيها مع حكياتك
وبتقصر بينا المسافات
انت لحن جميل فى حياتى
وانت اجمل ذكرياتى
لما تألمنى آهاتى
افتح دفتر ذكرياتى
القى صورتك عايشه فيها
بتنادينى اعيش معاها
احس فيها بحضن دافى
والقى فيها ود صافى
ماانت ليا نور عنيا
وانت نهر م الحنيه
تروى عطشى فى ليل شجونى
وانت عشقى وفيك جنونى 
كل ده وتقول نسيتك
ظلمتنى وظلمت قلبى